Նորություններ

"ՀԱՅԷԿՈՆՈՄԲԱՆԿ" ԲԲԸ թողարկում է ArCa Gold "PARADOX" co-branded համատեղ ունիվերսալ քարտ

"ՀԱՅԷԿՈՆՈՄԲԱՆԿ" ԲԲԸ-ն, հաճախորդներին ֆինանսական ծառայությունների ընդգրկուն փաթեթով ապահովման իր կողմից որդեգրած քաղաքականության համաձայն, շարունակում է ընդլայնել մատուցվող ծառայությունների ցանկը` առաջարկելով իր հաճախորդներին ArCa Gold "PARADOX" co-branded համատեղ ունիվերսալ քարտը, որում առաջարկվող ճկուն զեղչային արտոնություններին զուգահեռ առավելագույնս ընդգրկվել են շուկայում քարտատերերին մատուցվող գրեթե բոլոր ծառայությունները:

ArCa Gold "PARADOX" co-branded քարտը հաճախորդներին տալիս է հետևյալ արտոնությունները.

• օգտվել "PARADOX"-ի զեղչային համակարգից,


• ստանալ զեղչեր բազմաթիվ առևտրի և սպասարկման կետերում, ինչպես նաև օգտվել "ՀԱՅԷԿՈՆՈՄԲԱՆԿ" ԲԲԸ զեղչային ծառայությունների համակարգերից,


• ակցիաների ժամանակ ունենալ հավելյալ զեղչերի հնարավորություն,


• ստանալ զեղչերի, նոր ապրանքատեսակների և այլ առաջարկների վերաբերյալ անվճար SMS տեղեկացում,


• 24 ժամ կոնսիերժ ծառայություն. հեռախոսազանգի միջոցով կազմակերպչական աշխատանքների իրականացում (ժամանցի, սննդի, հասարակական վայրերի և տոմսերի ամրագրում),


• գնումների վերաբերյալ խորհրդատվություն,


• գումարի կուտակումներ. Cash-back


• տեղեկատվական բուկլետների տրամադրում,


• տարեկան 2-4 անգամ տեղեկատվական կատալոգների տրամադրում:

ArCa Gold "PARADOX" co-branded քարտը հաճախորդներին տալիս է նաև հետևյալ հնարավորությունները.

• ՀՀ առևտրի և սպասարկման կետերում անկանխիկ վճարումներ, կանխիկացման գործարքներ բանկոմատների և կանխիկացման կետերի միջոցով,


• "ՀԱՅԷԿՈՆՈՄԲԱՆԿ" ԲԲԸ բանկոմատների և կանխիկացման կետերի միջոցով կանխիկացման գործարքներ 0% սակագնով,


• կազմակերպությունների աշխատավարձերի վճարումների իրականացում,


• հաշվի դրական մնացորդի վրա տարեկան 5% տոկոսադրույքի կիրառում,


• քարտի միջոցով առանց բանկ այցելելու պարբերական կոմունալ վճարումների ավտոմատ ռեժիմով իրականացում,


• միջազգային վճարահաշվարկային համակարգերով փոխանցումների ստացում քարտի միջոցով` առանց բանկ այցելելու:

"ՀԱՅԷԿՈՆՈՄԲԱՆԿ" ԲԲԸ-ն հետագայում ևս հետևողականորեն շարունակելու է պլաստիկ քարտերով ծառայությունների ընդլայնման քաղաքականությունը` ապահովելով հաճախորդներին միջազգային ստանդարտներին համապատասխան առաջնակարգ բանկային ծառայությունների մատուցում: